ٹیلی ویژن اداکارہ سدرہ بتول کی تین سال کے وقفے کے بعد شوبز میں واپسی، تفصیلات کے مطابق سدرہ نے اپنی نجی زندگی پر توجہ دینے کے لیے شوبز سے کچھ عرصے کے لیے کنارہ کشی اختیار کی۔
حال ہی میں سدرہ ایک مارننگ شو (گڈ مارننگ پاکستان) میں مہمان بن کر آئیں اور اپنی شوبز میں واپسی کا اشارہ دیا۔ سدرہ نے کہا کہ شادی سے پہلے ان کے کئی ڈرامہ پراجیکٹس نا مکمل تھے تاہم اب وہ انہیں پورا کریں گی۔
سدرہ بتول نامور اور ہٹ پاکستانی ڈراموں میں معاون کردار ادا کرنے کے لیے جانی جاتی ہیں۔
یہ بھی پڑھیں: ماڈل و اداکار صحیفہ جبار خٹک بھی کورونا وائرس میں مبتلا
سدرہ نے 2012 میں پاکستانی انٹرٹینمنٹ انڈسٹری میں قدم رکھا اس وقت سے اب تک وہ کافی ڈراموں میں کام کرچکی ہیں ان کے چند مشہور ڈراموں میں داغ، یہ زندگی ہے، عشق ہماری گلیوں میں اور پرورش شامل ہیں۔
2017 میں سدرہ کی شادی اسد قریشی سے ہوئی جن سے ان کی دو بیٹیاں ہیں۔
