بحر ہند میں زیرِ سمندر بین الاقوامی انٹرنیٹ کیبل میں خرابی کی وجہ سے پاکستان میں انٹرنیٹ کی رفتار سست روی کا شکار ہے۔
اس حوالے سے پاکستان ٹیلی کمیونیکیشن اتھارٹی (پی ٹی اے) نے ٹوئٹر پر بیان جاری کیا ہے کہ یہ کیبل پاکستان ٹیلی کمیونیکیشن کمپنی لمیٹڈ (پی ٹی سی ایل) آپریٹ کرتی ہے اور اس میں خرابی کی وجہ سے صارفین کو مشکلات کا سامنا کرنا پڑ رہا ہے۔
Press Release: A fault has been reported in the international submarine cable, SMW4, operated by PTCL, in the Indian ocean due to which some #internet users may experience downgraded speeds during peak hours. pic.twitter.com/k1siuMsmHs
— PTA (@PTAofficialpk) January 13, 2022
پی ٹی اے کا کہنا ہے کہ تکنیکی خرابی کی وجہ سے صارفین کو رش کے اوقات (Peek Hours) میں انٹرنیٹ کی اسپیڈ میں کمی کا سامنا کرنا پڑ سکتا ہے البتہ صارفین کو بلاتعطل انٹرنیٹ سروس کی فراہمی کیلئے متبادل انتظامات کرلیے گئے ہیں۔
پی ٹی اے کا مزید کہنا تھا کہ خرابی دور کرکے انٹرنیٹ کی رفتار پوری طرح بحال کرنے کے لیے اقدامات کئے جارہے ہیں جس کی نگرانی خود پی ٹی اے کر رہی ہے اور اس حوالے سے صارفین کو وقتاً فوقتاً آگاہ کیا جاتا رہے گا۔
