وزیراعظم عمران خان نے پاکستان کی سب سے بڑی خفیہ ایجنسی آئی ایس آئی ہیڈ کوارٹرز کا دورہ کیا۔
ترجمان وزیراعظم آفس کے مطابق آرمی چیف جنرل قمر جاوید باجوہ بھی وزیراعظم کے ہمراہ موجود تھے۔
وزیر اعظم جناب عمران خان کا آئی ایس آئی سیکریٹریٹ کا دورہ pic.twitter.com/F1JeObC7rx
— Prime Minister's Office, Pakistan (@PakPMO) January 12, 2022
عمران خان کی آمر پر ڈائریکٹر جنرل (ڈی جی) آئی ایس آئی لیفٹیننٹ جنرل ندیم انجم نے انکا استقبال کیا۔
ترجمان کا کہنا ہے کہ آئی ایس آئی ہیڈ کوارٹرز میں اعلیٰ سطح کا اجلاس ہوا جس میں ملکی سلامتی اور افغانستان کی صورتحال پر بریفنگ دی گئی۔
ترجمان کے مطابق وزیراعظم نے قومی سلامتی، استحکام اور خوشحالی کیلئے آئی ایس آئی کی کوششوں کو سراہا اور ملک کے قومی مفادات کے تحفظ کیلئے کی جانے والی پیشہ وارانہ تیاریوں پر اطمینان کا اظہار کیا۔
