عام طور پر دُلہنیں حق مہر میں زیورات یا دیگر قیمتی تحائف کا تقاضہ کرتی ہیں لیکن ایک دُلہن نے حق مہر میں اپنے شوہر سے ایک لاکھ روپے کی کتابیں مانگ کو سب کو حیران کردیا۔
حال ہی میں سوشل میڈیا پر خیبر پختونخوا کے شہر مردان کی نائلہ شمال نامی دُلہن کی ایک ویڈیو سامنے آئی ہے جس میں وہ بتا رہی ہیں کہ انہوں نے حق مہر میں ایک لاکھ کی کتابیں مانگی ہیں۔
ویڈیو میں نائلہ شمال نے کہا کہ’حق مہر میں ایک لاکھ کی کتابیں مانگنے کی وجہ یہ ہے کہ ہمارے ملک میں مہنگائی بہت زیادہ ہے، مہنگائی کی وجہ سے ہم یہ چیزیں افورڈ نہیں کر سکتے اور دوسری وجہ یہ ہے کہ ان غلط رسومات کا خاتمہ بھی ضروری ہے‘۔
نائلہ شمال کا مزید کہنا تھا کہ ‘میرے اس حق مہر مانگنے کی اصل وجہ یہ ہے کہ ہمیں خود کتابوں کی قدر کرنی چاہیے تاکہ ہم دوسروں کو بھی ہماری نصیحت پر عمل کرنے کا کہہ سکیں‘۔
