کراچی: وزیراعلیٰ سندھ کی زیر صدارت صوبائی کورونا وائرس ٹاسک فورس کا اجلاس ہوا جس میں سرکاری دفاتر بند کرنے کا فیصلہ کیا گیا۔
اجلاس میں فیصلہ کیا گیا ہےکہ سیکرٹریز اپناضروری اسٹاف دفاتر میں بلائیں گے اور باقی تمام اسٹاف گھروں سے کام کرے گا۔
اجلاس میں فیصلہ کیا گیا ہےکہ صوبے بھر میں ریسٹورینٹس میں اندر اور باہر ڈائننگ بند کی جائے گی تاہم ٹیک اوے اور ڈلیوری کھلی رہیں گی جب کہ شاپنگ مالز شام 6 بجے کے بعد بند کیے جائیں گے تاہم کورونا کیسز مزید بڑھے تو مارکیٹیں مکمل بند کی جائیں گی۔
All #SindhGovt offices shall operate with an essential staff of 20% only. All schools, colleges & universities shall also remain closed due to the rising number of #COVID19 cases
— Murtaza Wahab Siddiqui (@murtazawahab1) April 26, 2021
اس کے علاوہ جیلوں میں ملاقاتیں بند کرنے کا فیصلہ کیا گیا ہے جب کہ دفاتر میں پبلک ڈیلنگ پرپابندی عائد کردی گئی ہے اور دفاتر کے اوقات صبح 9 سے دوپہر 2 تک ہوں گے، اسپتال تمام پابندیوں سے مستثنیٰ ہوں گے۔
مرتضیٰ وہاب نےکہا کہ سندھ بھر میں 29 اپریل سے انٹرسٹی پبلک ٹرانسپورٹ کو بند کردیا جائے گا۔
