محکمہ موسمیات کے مطابق کراچی میں مون سون بارشوں کے پہلے اسپیل کا آغاز ہوگیا۔
محکمہ موسمیات کا کہنا ہے کہ آج ہلکی اور معتدل بارش کا سلسلہ وقفے وقفے سے جاری رہ سکتا ہے، شہر میں وقفے وقفے سے ہلکی اور معتدل بارش کا یہ سلسلہ 16 جولائی تک جاری رہنے کا امکان ہے۔
محکمہ موسمیات کے مطابق بھارتی گجرات کے راستے مون سون ہوائیں داخل ہوئیں، معتدل درجے کی مون سون ہوائیں بحیرہ عرب سے زیریں سندھ میں داخل ہورہی ہیں، بحیرہ عرب سے ملنے والی نمی کے باعث کراچی کے اطراف تھنڈر سیلز بنے۔
محکمہ موسمیات کے مطابق صبح 9 بجے تک شہر میں سب سے زیادہ بارش گلشن حدید میں 17 ملی میٹر ریکارڈ کی گئی جب کہ نوری آباد میں 8 ملی میٹربارش ریکارڈ کی گئی۔
اس کے علاوہ پی اے ایف فیصل بیس پر 5، یونیورسٹی روڈپر 4.3، لانڈھی 4،سعدی ٹاون 3.6، جناح ٹرمینل 3.2 اور سرجانی ٹاؤن میں 2.8 ملی میٹر بارش ریکارڈ ہوئی۔
