پاکستان مسلم لیگ (ن) کی نائب صدر مریم نواز کا کورونا ٹیسٹ مثبت آگیا۔
مسلم لیگ (ن) کی ترجمان مریم اورنگزیب نے اپنی ٹوئٹ میں تصدیق کرتے ہوئے بتایا کہ مریم نواز کا کورونا ٹیسٹ مثبت آگیا ہے، جس کے بعد انہوں نے خود کو قرنطینہ کرلیا ہے۔
پاکستان مسلم لیگ (ن) کی نائب صدر مریم نواز شریف @MaryamNSharif کا کرونا ٹیسٹ پازیٹو آیا ہے جس کے بعد انھوں نے خود کو کورنٹین کر لیا ہے۔ مریم نواز شریف سمیت تمام مریضوں کی جلد صحت یابی کی دعا کی اپیل ہے۔
— Marriyum Aurangzeb (@Marriyum_A) July 28, 2021
ان کا کہنا تھاکہ مریم نواز سمیت تمام مریضوں کی جلد صحت یابی کی دعا کی اپیل ہے۔
خدشہ ظاہر کیا جارہا کہ انہوں نے گزشتہ دنوں آزاد کشمیر قانون ساز اسمبلی کی انتخابی مہم چلائی تھی جس میں کئی مرکزی رہنما بھی شریک تھے، اس دوران وہ کورونا وائرس میں مبتلاء ہوئیں۔
