محکمہ موسمیات کہنا کے کہ رواں سال کا آخری مکمل سورج گرہن آج ہوگا۔
محکمہ موسمیات کے مطابق سورج گرہن جنوبی افریقا، جنوبی آسٹریلیا، جنوبی امریکا، بحیرہ اوقیانوس، بحرالکاہل، انٹارکٹیکا اور بحیرہ ہند کےعلاقوں میں دیکھا جاسکے گا تاہم پاکستان میں سورج گرہن نظر نہیں آئے گا۔
سورج گرہن کا آغاز پاکستانی وقت کے مطابق صبح 10:29پر ہوگا اور سورج کو مکمل گرہن دوپہر 12 بجے لگے گا۔
محکمہ موسمیات کے مطابق سورج گرہن کا اختتام دوپہر 2 بج کر37منٹ پرہوگا۔
خیال رہے کہ سورج گرہن اس وقت لگتا ہے جب چاند، سورج اور زمین کے درمیان آجاتا ہے، جس کی وجہ سے سورج کا مکمل یا کچھ حصہ دکھائی دینا بند ہو جاتا ہے۔
