 |
| گورنر مدینہ فیصل بن سلمان آل سعود نے اعلی سعودی حکام کے ہمراہ ہوائی اڈے پر وزیر اعظم کا استقبال کیا۔ فوٹو: PakPMO Twitter |
وزیراعظم شہبازشریف اپنے 13 رکنی وفد کے ہمراہ 3 روزہ سرکاری دورے پر سعودی عرب کے مقدس شہر مدینہ منورہ پہنچ گئے۔
گورنر مدینہ فیصل بن سلمان آل سعود نے اعلیٰ سعودی حکام کے ہمراہ شہباز شریف کا استقبال کیا۔
Governor Madinah Prince Faisal Bin Salman Al Saud and senior Saudi officials received the Prime Minister at the airport. pic.twitter.com/HjiMpPLlr9
— Prime Minister's Office (@PakPMO) April 28, 2022
وزیراعظم شہباز شریف کے ہمراہ ایم کیو ایم کے خالد مقبول صدیقی، وفاقی وزرا بلاول بھٹو زرداری، شاہ زین بگٹی، چوہدری سالک حسین،خواجہ آصف، مفتاح اسماعیل، مریم اورنگزیب، خواجہ آصف اور ایم این اے محسن داوڑ شامل ہیں، وفد میں وزیراعظم شہباز شریف کے پرسنل اسٹاف کے 4 لوگ بھی شامل ہیں۔
یہ بھی پڑھیں: وزیراعظم شہباز شریف کی شہزادہ محمدبن سلمان سے ملاقات، گارڈ آف آنر دیا گیا
سرکاری خبر رساں ادارے ایسوسی ایٹڈ پریس کے مطابق وزیراعظم سعودی ولی عہد شہزادہ محمد بن سلمان بن عبدالعزیز کی دعوت پر 3 روزہ دورے پر سعودی عرب گئے ہیں۔
وزیراعظم منتخب ہونے کے بعد شہباز شریف کا یہ پہلا غیر ملکی دورہ ہے۔
وزیرِ اعظم شہباز شریف کی مدینہ منورہ آمد کے بعد وفد کے ہمراہ مسجدِ نبوی ﷺ میں حاضری
— Prime Minister's Office (@PakPMO) April 28, 2022
وزیرِ اعظم شہباز شریف کی مسجدِ نبوی میں روضہ رسول ﷺ پر حاضری اور نمازِ مغرب کی ادائیگی. pic.twitter.com/UdRMN1ssji
وزیر اعظم نے وفد کے ہمراہ روضہ رسول ﷺ پر حاضردی اور نماز ادا کی۔ دورے کے دوران وزیراعظم سعودی قیادت کے ساتھ ملاقاتوں میں اقتصادی، تجارتی اور سرمایہ کاری جیسے تعلقات کو فروغ دینےکے علاوہ سعودی عرب میں پاکستانی افرادی قوت کے لیے روزگار کے زیادہ سے زیادہ مواقع پیدا کرنے کے حوالے سے بات چیت کریں گے۔
وزیراعظم اپنے دورے میں مجموعی طورپر ساڑھے 7 ارب ڈالر کے پیکج پربات کریں گے اور سعودی عرب سے رواں سال کے آخر تک 4 ارب ڈالر کی ادائیگیاں مؤخر کرنےکی درخواست کریں گے۔
ذرائع کے مطابق وزیراعظم سیف ڈپازٹ کے طورپرمزید 2 ارب ڈالرپاکستان کے اکاؤنٹ میں رکھوانے کی درخواست کریں گے جب کہ مؤخر ادائیگیوں پر تیل کی فراہمی ایک ارب ڈالر سے بڑھا کر 2 ارب ڈالرکرنے کی درخواست کی جائے گی۔
