ایشیا کپ ٹی ٹوئنٹی کے سپر فور مرحلے کے اہم میچ میں سری لنکا نے بھارت کو 6 وکٹوں سے شکست دے دی۔
سری لنکا نے بھارت کا 174 رنز کا ہدف آخری اوور میں باآسانی پورا کیا، کوشل مینڈس57 رنز بناکر نمایاں رہے۔
A dramatic end as Shanaka and Rajapaksa run two byes as India miss two run out chances!
— ESPNcricinfo (@ESPNcricinfo) September 6, 2022
Kusal Mendis, Pathum Nissanka fifties lead the ace chasers to victory #INDvSL | #AsiaCup2022
👉 https://t.co/QMCfZTf47Q pic.twitter.com/LzSQ8Zde12
پاتھم نسانکا نے 37 گیندوں پر 52 رنز بنائے جبکہ ڈاؤسن شاناکا نے 18 گیندوں پر 33 اوربھنوکا راجاپکسا 17 گیندوں پر 25 رنز کے ساتھ ناٹ آؤٹ رہے۔
مسلسل دوسرے میں ہارنے کے بعد بھارت کا فائنل میں پہنچنا بظاہر ناممکن ہوگیا، اگر سری لنکا اپنا آخری میچ جیتنے میں کامیاب رہی، پاکستان اپنے بقیہ دونوں میچ ہار گیا اور بھارتی ٹیم نے آخری میچ میں افغانستان کو شکست دے دی تو 3،ٹیموں کے 2،2 پوائنٹس ہوجائیں گے۔فائنل میں پہنچنے کیلئے معاملہ رن ریٹ پر جائے گا۔
اس کے علاوہ اگر کل پاکستان نے افغانستان کو شکست دے دی تو گرین شرٹس اور سری لنکن ٹیم ایشیا کپ کے فائنل میں پہنچ جائیں گی۔ بھارت اور افغانستان ٹورنامنٹ سے باہر ہوجائے گا۔
دبئی انٹرنیشنل کرکٹ اسٹیڈیم میں کھیلے گئے میچ میں سری لنکا نے ٹاس جیت کر بھارت کو بیٹنگ کی دعوت دی۔
بھارت نے مقررہ 20 اوورز میں 8 وکٹوں پر 173رنز بنائے، کپتان روہت شرما 72 رنز بناکر نمایاں رہے۔ سوریا کمار یادیو 34، یاردک پانڈیا اور رشبھ پنٹ نے 17،17 رنز بنائے، ویرات کوہلی صفر پر آؤٹ ہوئے۔
سری لنکا کی جانب سے دلشان مادوشنکا نے 3، کرونارتنے اور کپتان داسن شانکا نے 2،2 وکٹیں حاصل کیں۔
