کراچی کے منافع خور دودھ فروشوں نے راتوں رات دودھ کی قیمت میں 20 روپے فی لیٹر اضافہ کردیا ہے جس سے دودھ کی قیمت 200 روپے فی لیٹر تک پہنچ گئی ہے۔
کراچی میں چند مہینے پہلے دودھ کی قیمت بڑھائی گئی تھی جن میں ایک مرتبہ پھر بعد 20 روپے لیٹر کا اضافہ کردیا گیا ہے۔
دودھ فروشوں نے قیمتوں میں اضافے کا سبب سیلاب کے دوران مویشیوں کی ہلاکت اور فصلوں کو ہونے والا نقصان قرار دیا ہے۔
شہریوں کا کہنا ہے کہ مہنگائی کے اس دور میں اب دودھ خریدنا بھی مشکل ہوگیا ہے، انتظامیہ اشیائے خورونوش کی قیمتیں ریٹ لسٹ میں متیعن قیمتوں پر فروخت کو یقینی بنائے تاکہ مہنگائی پر قابو پایا جاسکے۔
